Кошаркарите на Бостон иако губеа со 0:3 во серијата од Мајами сега изедначија на 3:3 и се на еден чекор од пресврт каков што немало досега во НБА лигата.

Во натпреварот изминатата вечер на гости го совладаа Мајами со 104:103. Дерик Вајт беше херојот кој го постигна победничкиот кош и тоа на десетинка до крајот на натпреварот.

DERRICK WHITE BUZZER BEATER FOR THE WIN 🔥🔥🔥

CELTICS SEND IT TO GAME 7. pic.twitter.com/F8bw9aYpme

— Bleacher Report (@BleacherReport) May 28, 2023

Двата тима играа на високо ниво, Бостон водеше во поголем дел од средбата, а во еден момент имаа и двоцифрена разлика во последниот период. Сепак, Мајами се врати и имаше ситуација да победи и да ја заврши серијата, меѓутоа соништата за финале барем засега им ги урна Вајт.

Тејтум беше најефикасниот кај Бостон со 31 поен, Браун додаде 26, додека Џими Батлер на спротивната страна уфрли 24 поени.

„Мајсторката“ се игра во Бостон во ноќта помеѓу понеделеник и вторник од 02:30 часот. Ќе потсетиме, во НБА лигата досега 150 пати еден тим имал негатива од 3:0 во плеј-офот и ниту еднаш никој не излегол како победник.