3 C
Скопје

ВИДЕО: Драма меѓу две членки на НАТО во водите на Средоземното Море: Анкара протестира затоа што тимот на мисијата на ЕУ претресе турски брод на пат кон Либија

Турција ги покани врвните дипломатски претставници од ЕУ, Германија и Италија да разговараат откако германски брод, дел од мисијата на ЕУ што го спроведува ембаргото за оружје на Либија, пресретна и претресе турски брод во Средоземното Море.

Турското Министерство за надворешни работи соопшти дека персоналот од германскиот воен брод „Хамбург“ со хеликоптер бил префрлен во турскиот брод „Росалин-А“, кој пловел кон Либија, и вршел претрес неколку часа, иако немал дозвола ниту од капетанот, ниту од турската влада.

Капетанот и екипажот биле насилно претресени и приведени во еден дел од бродот, додека германскиот тим „насилно“ го пребарувал бродот, соопшти турското министерство. 

Прочитајте и...  Портпаролот на Џонсон: Навални веднаш да биде ослободен

Германското Министерство за одбрана објави дека Турција наредила прекинување на претресот и ги принудила германските вработени да го напуштат бродот пред да ја завршат работата.

За време на претресот, германскиот тим не најде товар што е во спротивност со ембаргото за оружје, изјави за новинарите портпаролот на германското Министерство за одбрана, Кристијан Тилс, пренесува Бета.

Тилс рече дека германскиот тим побарал дозвола да се качи на турскиот брод и дека до бродот дошол со хеликоптер бидејќи не добил одговор. Тој додаде дека екипажот на турскиот брод е „кооперативен“.

Германскиот официјален претставник изјави дека наредбата екипата да се качи на турскиот брод доаѓа од седиштето на мисијата на ЕУ во Рим.

Прочитајте и...  Три месеци живеел во аеродромот во Чикаго: „Се плашел да си оди дома заради ковид-19“

Турското министерство изјави дека персоналот на германскиот воен брод извршил претрес, иако капетанот рекол што носи турскиот брод и дека претресот завршил по „упорното противење“ на Анкара. „Протестираме против овој чин, кој не беше одобрен и извршен со сила“, рече тој. Портпаролот на турското Министерство за надворешни работи Хами Аксој.

Турција претходно ја критикуваше поморската мисија на ЕУ со седиште во Рим, чија цел е да спречи испорака на оружје до Либија. Анкара ја обвинува мисијата на ЕУ за поддршка на силите на командантот Хафтар Калифа, кои го контролираат истокот на земјата, против единиците на меѓународно признаената влада во Триполи во либиската граѓанска војна. Турција ја поддржува владата во Триполи.

Анкара е еден од главните поддржувачи на Владата на националниот договор со седиште во Триполи, која е во судир за контрола врз северноафриканската држава со Либиската национална армија.

Прочитајте и...  ВИДЕО | УАПСЕНИ СО НАД ДВА ТОНИ КОКАИН: Дрогата ја криеле во 40 тони јаглен во шпанско пристаниште!

Во знак на протест за инцидентот во Медитеранот, Турција повика на разговори меѓу италијанскиот амбасадор, вршителот на должноста амбасадор на германската амбасада во Анкара и претставникот на ЕУ во Турција.

По претресот, турскиот брод го продолжи патувањето кон либискиот град Мисрата.

Поврзани вести

Нови 400 позитивни случаи со ковид-19 во земјава, починаа 11 лица

Слободен печат

Харадинај до Вучиќ: Треба да го признаете Косово за да спречите создавање на „Голема Албанија”

Слободен печат

ВЛАДАТА ПОТВРДИ: Кафулињата и рестораните ќе работат до 21.00 часот, хотелите со редовно работно време

Слободен печат

Компаниите ќе бидат ослободени од царинските давачки за една година

Слободен печат

ВИДЕО | ВО ЦРНА ГОРА СЕПАК СЕ ФРЛАА ПО СВЕТИОТ КРСТ: 10-годишно момче најбрзо стигна до крстот во Беране! 

Слободен печат

Може ли попис и бојкот во исто време

Остави Коментар