ВИДЕО | „Дотерај се малку, сестро“: Српски свештеник стана хит по неговата изјава за неверство во брак

Арсениј
Српски православен свештеник Арсениј / Фото: Принтскрин Јутјуб

Српскиот православен свештеник, односно монах Арсениј деновиве е топ тема во регионот и стана хит на „Твитер“ поради неговата изјава за неверство во брак.

Монахот Арсениј зборуваше за машко-женските односи и рече дека многу жени му се жалеле дека нивните сопрузи ги изневеруваат.

„Секогаш треба да се грижите за својот изглед за да бидете убави и привлечни. А не само за време на периодот на запознавање и состаноците. Знаете, многу често сме супер и се дотеруваме додека се забавуваме, а потоа „ајде,пријатно“! Тој веќе не внимава на себе, таа се здебелила, била разбушавена… Тој пуштил стомак, му смрдат нозете, подждригнува… и уште многу полоши работи“, го започна своето излагање свештеникот.

„Мораме да се трудиме да бидеме секогаш привлечни. Кај мене доаѓаат жени и ми велат: „Маж ми ме изневерува!“. А таа онака, целата нешто… Па им велам: „Па, дотерај се малце, сестро. Да бидеме попривлечни…“, заклучи тој.

„Твитер“ е преполн со објави поврзани со говорот на свештеникот, а „облечете се малку, сестро“ лесно може да стане нова шега на таа социјална мрежа.