ВИДЕО: Дортмунд на минус еден од Баерн, „милионерите“ можат и без Халанд
Денеска во рамките од седмото коло во најсилното германско првенство составот на Борусија Дортмунд го совлада Аугсбург на „Сигнал Идуна Парк“ со 2:1.
„Милионерите“ настапија без својата прва ѕвезда Ерлинг Халанд поради повреда, но и без Норвежанецот успешни беа играчите на тренерот Марко Розе.
Домаќините поведоа во 10 минута со голот на Гереиро од пенал, израмни Зеќири во 35 минута, а на стартот од вториот дел конечниот епилог го постави Брандт (51`).
Моментно на табелата Дортмунд заостанува само еден бод зад водечкиот Баерн кој својот натпревар ќе го има в недела против Ајнтрахт Франкфурт.
Се одиграа уште три меча оваа рунда, Херта со 1:2 дома загуби од Фрајбург, Штутгарт со 3:1 беше подобар од Хофенхајм, а Борусија Менхегладбах триумфираше над Волфсбург (1:3).