Кошаркарите Лос Анџелес лејкерс на домашен терен го совладаа Феникс санс со 107:96 (31:15, 23:22, 29:34, 24:25), со што ја прекинаа серијата од четири порази во американската професионална кошаркарска лига (НБА).

Најефикасен во тимот на Лејкерс беше Лука Дончиќ со 33 поени, 11 скокови и осум асистенции. Остин Ривс додаде 28 поени и шест асистенции, додека Џексон Хејс постигна 19 поени и шест скокови. Четирикратниот најкорисен играч (МВП) во НБА, Леброн Џејмс го пропушти натпреварот поради повреда на препоните.

Кевин Дурент беше најефикасен кај Феникс со 21 поен и девет скокови. Девин Букер забележа дабл-дабл со 19 поени и 11 асистенции, додека Рајан Дан постигна 13 поени.

Лејкерси се петти во Западната конференција со 41 победа и 25 порази, додека Феникс е на 11 место со учинок 31-37.

„Езерџиите“ на следниот натпревар во Лос Анџелес ќе го пречекаат Сан Антонио, додека Феникс ќе биде домаќин на Торонто.

НБА лига, резултати:

Далас – Филаделфија 125:130
Кливленд – Орландо 103:108
ЛА Лејкерс – Феникс 107:96
Портланд – Торонто 105:102
Бруклин – Атланта 122:114
Милвоки – Оклахома 105:121
Минесота – Јута 128:102
ЛА Клиперс – Шарлот 123:88