Индустриски дизајнер од Јужна Кореја измисли сатирчно решение за „телефонските зомбиња“, односно корисниците на „паметни телефони“ кои не можат да го оттргнат погледот од телефонот ни секунда.

Паенг Мин-Вук (28), разви направа која ја нарече „Третото око“ – електронско роботско око што се закачува на главата. Уредот кој е дел од уметничко дело наречено „Phono Sapiens“, е програмиран да „го отвори окото“ кога ќе забележи дека главата на корисникот е наведната кон телефонот. Кога корисникот ќе се доближи на два метри од некаква пречка на патот уредот почнува да свири и да предупредува за иминентна опасност.

 

View this post on Instagram

 

A post shared by 팽민욱 (@paengminwook)

„Вака изгледа иднината на човечкиот вид. Бидејќи не можеме да ги одделиме очите од нашите
телефони, ќе ни биде потребно трето око“, вели Паенг за „Reuters“.

Демонстрацијата на Паенг низ Сеул оваа недела привлече огромно внимание. „Ми изгледаше како вонземјанин со око на челото. Деновиве, на многу млади луѓе им се случуваат несреќи бидејќи вниманието им е посветено на телефонот. Ова може да биде добро за нив“, вели Ли Ок-Јо, жител на Сеул.

Паенг планира да развие и модел со камера за „Третото око“ што ќе биде поврзан со апликација за телефон, но тој нема план да го комерцијализира откритието – став кој може да се промени ако има голема побарувачка.