ВИДЕО: Димитриевски и Рајо се пријатно изненадување во шпанската „Ла Лига“
Рајо Ваљекано имаше слаб старт во новата сезона од најсилното шпанско првенство со два порази, но во последните пет мечеви фудбалерите на тренерот Андони Ираола играат многу подобро.
Денеска на домашен терен дојдоа и до третата победа по ред во „Ла Лига“ откако со 3:1 триумфираа над Кадиз.
Поведоа домаќините уште од деветтата минута со голот на Гарсија, а гостите израмнија во 23 минута преку Харојан.
Новото засилување Фалкао во 44 минута стрелаше за враќање на предноста на Рајо, Колумбиецот уште еднаш докажа дека ќе биде клучен играч во составот на Ираола.
📷⚡️ ¡¡¡Finaaaaaaaaaaaaaal en Vallecas!!! (3-1)
Gran partido para sumar la tercera victoria consecutiva en Vallecas.
⚽️ Álvaro
⚽️ @FALCAO
⚽️ @Isinhho #RayoCádiz #VamosRayo pic.twitter.com/3DplboxUTl— Rayo Vallecano (@RayoVallecano) September 26, 2021
Македонскиот репрезентативец Столе Димитриевски го одигра целиот меч за домаќините, а конечниот епилог беше поставен во 87 минута со погодокот на Палазон.
После четвртиот триумф сезонава Рајо е на петтата позиција со 13 бодови, четири помалку зад водечкиот Реал Мадрид, додека Кадиз е на 14 место со шест бодови.
Во следното коло Рајо Ваљекано на 2 октомври ќе гостува кај Осасуна, а Кадиз истиот ден е домаќин на Валенсија.
