Во дербито на колото во Евролигата, ЦСКА Москва го совлада Реал Мадрид со 74:73 во неизвесна завршница.
Јунак на „армејците“ е Мајк Џејмс кој на две секунди до крајот погоди неверојатна тројка од самиот ќош на теренот за водство на неговиот тим од 73:71, а потоа го реализира и дополнителното слободно фрлање со кое ја обезбеди победата. Во последната секунда Реал Мадрид успеа само да го ублажи поразот.
Two teams who are on FIRE, but it was @cskabasket who came away from Round 11 with a 74-73 win
Highlights… pic.twitter.com/qs1Sw17FYI
— Turkish Airlines EuroLeague (@EuroLeague) November 26, 2020
Токму Мајк Џејмс со 28 поени беше најпрецизен во рускиот тим, додека Шенгелија постина 15 поени, а кај Реал Мадрид, Томпкинс даде 15, а Дек 14 поени.
Вториот руски тим во Евролигата, Зенит продолжува со одличните игри и како гостин со 75:83 го совлада Жалгирис. Кошаркарите на Зенит работата ја завршија во првото полувреме кога дојдоа до предност од 14 поени, за разликата во третата четвртина да изнесува дури 25 поени по што стана јасно кој ќе биде победникот. До крајот, кошаркарите на Жалгирис само го намалија резултатот. Холинс со 20 поени беше најпрецизен во тимот на Зенит кој има скор од шест победи и само два порази, додека кај Жалгирис најрасположен за игра беше Григонис со 18 поени.
.@zenitbasket improved to 5-0 on the road this season with a 75-83 victory over Zalgiris Kaunas
Highlights… pic.twitter.com/SgQWyktzcN
— Turkish Airlines EuroLeague (@EuroLeague) November 26, 2020
Црвена звезда во Белград е поразена од Анадолу Ефес со 65:74. Во првата четвртина подобри заврши нерешено 16:16, за на стартот од втората четвртина, турскиот тим со серија од 19:4 да дојде до предност од 14 поени (21:35). До крајот на полувремето домашните кошаркари успеаја да се приближат на минус четири но немаа сили за пресврт и потфрлија во третата четвртина која ја загубија со 14:27, а со тоа и ги загубија шансите за триумф.
Шејн Ларкин со 18 поени го предводеше Анадолу Ефес, а Моерман постигна 17, додека кај Црвена звезда Волден уфрли 14 поени.
Вистински трилер натпревар одиграа Макаби Тел Авив и Олимпија Милано, а победникот беше одлучен во дополнителните пет минути. На крајот славеше Милано со 85:86.
WINNER!@foe23 DRAINS the jumper to give @OlimpiaMI1936 a vital W!#7DAYSMagicMoment pic.twitter.com/6nrcUTVxxr
— Turkish Airlines EuroLeague (@EuroLeague) November 26, 2020
Во текот на целиот натпревар беше неизвесно, најголемата предност на Макаби изнесуваше шест поени (31:25), додека за гостите 13 поени (35:48) на стартот од третата четвртина. Сепак, во регуларните 40 минути натпреварот заврши без победник, а во продолжението Серхи Родригез погоди тројка за предност на Милано од 83:84 на 30 секунди до крајот, но клучните поени ги постигна Дилејни на три секунди до крајот. Пантер со 18 поени беше најпрецизен кај Милано, додека Волбекин и Брајант постигнаа по 17 поени за Макаби.
Резултати:
ЦСКА Москва – Реал Мадрид 74:73
Црвена звезда – Анадолу Ефес 65:74
Жалтигис – Зенит 75:83
Алба – Химки 100:80
Олимпијакос – Басконија 76:90
Макаби Тел Авив – Милано 85:86
