Компаниите во зоните учествуваат со некаде 45% во вкупниот износ во државата. Но што фали тука? Треба да видиме која е таа додадена вредност што реално се создава во Северна Македонија, што создаваат македонските работници кои се ангажирани во зоните и што излегува како готов производ. Податоците покажуваат дека се уште има значителен нето износ. Она што охрабрува е дека извозот опаѓа како резултат на пандемијата со некаде 9%, но и увозот опаѓа со 19%. Тоа значи дека дел од компаниите или ги трошат залихите или се ориентираат на она што се создава тука, изјави во Утрински брифинг директорот на ТИРЗ, Јован Деспотовски.

-Нашите податоци говорат дека бројката на вработени и ангажирани во зоните е доста стабилна. На крајот од неделата ќе објавиме и неколку компании кои го зголемуваат бројот на вработените, бидејќи таргетите им се веќе постигнати. Значи копманиите веќе порано ангажираат локална работна сила во однос на она што е предвидено со иницијалната динамика. Овој податок радува со оглед на ситуацијата и е за поздравување, вели Деспотовски.

Целиот разговор со првиот човек на ТИРЗ погледнете го во видеото: