ВИДЕО | Деспотовски: Наш приоритет се високи плати во ТИРЗ

Јован Деспотовски, директор на ТИРЗ/ Фото: Слободен печат/Ристо Пејовски

За бенефициите што компаниите ги добиваат во Технолошките индустриски развојни зони, очекуваме да вратат со високи плати, со придонеси и со даноци, вели во интервју за „Слободен печат“ директорот на зоните Јован Деспотовски.

– Имаме сосема нов квалитет на полето на странски инвестиции споредено со сите години порано. Како највидлив показател за ова е разликата во нето плата од 2016 и 2020 година која изнесува 40 проценти, вели Деспотовски.

Инаку, над 160 милиони евра странски инвестиции само годинава влегле во земјава од девет инвестициски проекти, од кои дел се нови, а дел се од оние кои веќе оперираат во македонските Технолошки индустриски развојни зони (ТИРЗ). Вкупниот обем на уплати што овие инвестиции ќе ги генерираат во буџетот во наредните десет години е над 120 милиони евра. Оваа 2021 година, според анализите, е најдобра во последните четири години, вели за „Слободен печат“ директорот на ТИРЗ Јован Деспотовски.

Според стратегијата на оваа Влада ТИРЗ-те се отворени и за македонски компании, со истите бенефиции кои важат и за странските, но за жал засега има многу мал интерес за тоа.

Тој ја најавува и најголемата странска инвестиција досега во историјата на привлекување странски инвестиции која ќе биде обзнаена за две до три недели. Се работи за германски гигант во доменот на фармацевтската индустрија, а инвестицијата ќе биде над 100 милиони евра.

Целото интервју погледнете го тука.

 

Видео на денот