ВИДЕО: Дербито за Баерн, Халанд само го налути Левандовски!
Денеска се одигра најинтересниот натпревар во Бундеслигата, на „Алијанц“ Арената во Минхен актуелниот шампион Баерн со 4:2 триумфираше над Борусија Дортмунд во рамките од 24 коло.
„Милионерите“ го шокираа домаќинот уште во првите 10 минути со новите погодоци сезонава на европската и светска сензација Ерлинг Халанд кој двапати ја затресе мрежата на Нојер.
Но, на спротивната страна Роберт Левандовски покажа и докажа зошто беше прогласен за најдобар фудбалер во 2020 година во изборот на ФИФА. Најпрвин полскиот интернационалец намали во 26 минута, а од пенал израмни непосредно пред паузата (44`).
Победата на баварскиот гигант дојде во самиот финиш од мечот, за 3:2 се погрижи Леон Горецка (88`), а 120 секунди подоцна Левандовски го комплетираше својот хет-трик за поставување на конечниот епилог.
Составот на тренерот Ханс Флик е на врвот на табелата во најсилното германско првенство во 55 бодови, два повеќе од второпласираниот Лајпциг, а Дортмунд е на шестата позиција со 39.