12 C
Скопје

ВИДЕО: „Дерби дела Мадонина“: Ериксен го однесе Интер во полуфиналето на Купот

Во првиот четвртфинален натпревар во италијанскиот Куп, Интер го совлада градскиот ривал Милан со гол во судиското продолжение.

Популарното градско миланско дерби „Дерби дела Мадонина“ го одбележаа вербалната војна помеѓу Златан Ибрахимовиќ и Ромелу Лукаку и голот на Кристијан Ериксен во последните моменти од натпреварот.
„Росонерите“ беа подобар тим на почетокот од натпреварот и вообичаено преку Ибрахимовиќ се закануваа кон голот на Хандановиќ. Подобрата игра вроди со плод во 31. минута кога Ибрахимовиќ со одличен шут го совлада голманот на Интер.
„Нераѕурите“ имаа можност да возврат уште во првото полувреме, но Санез и Брозовиќ не ги искористија своите шанси. Сепак, првиот дел го одбележа вербалната војна помеѓу Ибрахимовиќ и Лукаку кои прво разменија неколку зборови, а по навредите од напаѓачот на Милан, Белгиецот полуде и сакаше да се пресмета со Златан. На крајот и двајцата добија жолт картон и тој беше кобен по Ибрахимовиќ.

ВИДЕО: Жешко е на „Дерби дела Мадонина“: Ибрахимовиќ и Лукаку во клинч

Напаѓачот на Милан во 58. минута од зад грб со фаулираше Коларов по што судијата му додели втор жолт картон и го исфрли од натпреварот.
Оттогаш, на теренот доминираа фудбалерите на Интер, додека „росонерите“ мислеа само на одбрана на сопствениот гол.

Прочитајте и...  „Ел Команданте“ уште две години на клупата на ПСЖ

Сепак, бедемот пред голманот Татарушану потклекна во 69. минута кога по асистенција на ВАР собата, судијата досуди пенал за Интер по прекршокот над Барела. Сигурен реализатор беше Лукаку.
Во продолжението од средбата, повторно доминација на играчите на Интер кои имаа неколку одлични шанси пред Кристијан Ериксен во 97. минута со одличен шут од слободен удар да постигне гол и да го однесе својот тим во полуфиналето на Купот.
Противник на Интер во полуфиналето ќе биде подобриот од натпреварот Јувентис – Спал кој се игра утревечер.

Поврзани вести

СП.

„Ел Команданте“ уште две години на клупата на ПСЖ

Слободен печат

Барсагејт: Бартомеу пуштен од притвор

Слободен печат

Вајда ќе биде покрај Ѓоковиќ на Роан Гарос

Слободен печат

Мерцедес го претстави шампионскиот болид за новата сезона

Слободен печат

ЕХФ Лига на Европа: Металург за чест, Е. Пелистер за подобар пласман пред нокаут-фазата

Слободен печат

Остави Коментар