Кошаркарите на Денвер направија „брејк“ во Мајами и со победа од 109:94 поведоа со 2:1 во големото финале на НБА лигата. Српскиот центар Никола Јокиќ одигра уште еден историски меч, забележувајќи нов „трипл-дабл“ со 32 поени, 21 скок и 10 асистенции за 44 минути игра.

Јокиќ со тоа стана првиот кошаркар во историјата на НБА кој остварил „трипл-дабл“ во финалето со најмалку 30 поени, 20 скока и 10 асистенции.

Покрај Србинот, во триумфот на Нагетси блескаше и Џамал ​​Мареј со 34 поени, по 10 скока и асистенции, па и тој го најде своето место во историјата покрај Јокиќ. Досега не се случило двајца кошаркари од ист тим да забележат „трипл-дабл“ и истовремено да постигнат 30 поени. Не само во финалето на НБА или во плеј-офот, ниту на кој било натпревар во 77-годишната историја на лигата, и токму тоа се случи во една историска ноќ во Флорида.

Покрај Јокиќ и Мареј, одличен меч кај Денвер имаше и „дебитантот“ Кристијан Браун со 15 поени, а Ентони Гордон постигна 11. Кај Хитси Џими Батлер реализираше 28 поени, а Бем Адебајо 22 поени.

Следниот, четврти натпревар во серијата ќе се игра ноќта меѓу петок и сабота во 02.30 часот, исто така во Мајами.