ВИДЕО: Денот на сеќавање на жртвите од Вуковар прват се одбележува како државен празник
Советот на Европа повика на решавање на прашањето со исчезнатите од регионот на Вуковар
Денот на сеќавање на жртвите од Вуковар денеска првпат се одбележува како државен празник, и тоа во посебни услови поради пандемијата на коронавирусот.
Хрватските медиуми јавуваат дека Колоната на сеќавање, која тргна од вуковарската болница веќе се движи во улиците во градот, а ќе заврши кај Меморијалните гробишта на жртвите од хрватската Татковинска војна.
Aerial footage showing Vukovar after the siege. Not a single building was spared. pic.twitter.com/PijYxXKjRR
— Based Croatia (@Based_Croatia) November 18, 2020
Локалните медиуми јавуваат дека засега е тешко во целост да се почитуваат епидемиолошките мерки, затоа што во колоната досега веќе има околу осум илјади луѓе, иако беше ограничена на 500, а уште луѓе се приклучуваат по пат.
По повод Денот на сеќавање на жртвите од Вуковар, комесарката за човекови права на Советот на Европа Дуња Мијатовиќ денеска повика на отворање полициски и воени архиви со цел да се решат случаите на исчезнатите лица.
– Додека се присетуваме на жртвите на Вуковар, моите мисли се со семејствата на стотици од оние кои сè уште се водат како исчезнати. Тие заслужуваат вистина и правда, изјави денеска Дуња Мијатовиќ.
– Потребни се повеќе национални и регионални напори за решавање на постојните случаи на исчезнати лица, вклучително и отворање полициски и воени архиви, додаде таа.
По борбите во 1991 година, на списокот на заробени и исчезнати лица има уште 386, кои се водат за исчезнати во Вуковар.
Извор:МИА