Денеска изминуваат точно 18 години од еден од најспектакуларните потези во историјата на фудбалот, а тој е во режија на бразилскиот волшебник Роналдињо.

На 19. ноември 2005 година Роналдињо како фудбалер на Барселона ги натера навивачите на Реал Мадрид да станат и да му апладуираат, иако противничките фудбалери покрај него изгледаа како мали деца.

Барселона во тој натпревар победи со 3:0, а двата од три гола беа дело токму на Роналдињо кој буквално си играше со фудбалерите на Реал.

Неговите потези посебно имаа тежина затоа што во тоа време дресот на Реал го носеа фудбалери како: Зидан, Роналдо, Раул, Роберто Карлос, Бекам, Гути, Робињо…

Тој период беше и најдобриот од кариерата на Роналдињо освојуваќи ја и „Златната топка“ неколку месеци порано.