Демонстрантите собрани во знак на револт против најавите за прифаќање на францускиот предлог за решавање на спорот со Бугарија, вечерва од Владата се упатија на марш до МНР и Собранието. Пред Владата дел од насобраните граѓани им дофрлуваа на полицајците и фрлија неколку петарди кон нив, по што толпата тргна на марш кон МНР, а потоа, според најавите, и кон Собранието, каде исто така веќе се собрани неколку стотици демонстранти.

Демонстрантите пред Министерството за надворешни работи запалија факли, а фрлаа и со јајца кон зградата.

Како што јави „А1он“, додека поворката со демонстрантите минуваше на мостот „Гоце Делчев“ кон МНР, од улицата од Калето се појавија неколку десетици момчиња кои вееја албански знамиња.