ВИДЕО: Демонстранти се судрија со полицијата и го пробија кордонот кај Цетиње

Демонстранти против српскиот митрополит Јоаникије кај Цетиње / фото: Твитер

Група од неколку десетици демонстранти против поставувањето на митрополитот црногорско-приморски на СПЦ, Јоаникије на функцијата, попладнево го проби полицискиот кордон пред Цетиње и се судри со полицајците, додека во Подгорица се подготвуваше свечената литургија која ќе ја одржи патријархот на СПЦ.

На снимките објавени на социјалните мрежи се гледа како дошло до судирот на еден кружен тек пред влезот во градот, каде беше поставена полициската блокада. Демонстрантите претходно денеска го блокираа кружниот тек со автомобилски гуми и шут, за да го спречат поминувањето на српскиот патријарх Порфирије, кој ќе присуствува на церемониите.

Насобраните граѓани извикуваа: „Ова е Црна Гора“, „Вива Монтенегро“ и „Ова не е Србија“.

Според црногорските медиуми, голем број граѓани се упатиле и од Никшиќ кон Подгорица, за дочекот на патријархот на СПЦ, во соборниот храм на Христовото воскресение, закажан за 18 часот.

Извор: Блиц

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот