Денеска во рамките од 22. коло во најсилното италијанско првенство составот на Рома на домашен терен со 1:0 го совлада Каљари.

Играчите на Жозе Мурињо ја прекинаа лошата серија на резултати во Серија А, пред овој дуел на последните три средби имаа два порази и едно реми.

Единствениот гол беше реализиран во 33 минута од мечот на стадионот „Олимпико“ од пенал преку португалскиот интернационалец Оливеира. Ова е инаку негов прв настап за Рома чиј дрес го носи како позајмица од редовите на Порто.

Моментно на табелата во шампионатот римската „волчица“ е на шестото место со 35 бодови, а Каљари после 12 пораз сезонава е во опасната зона за испѓање на 18 место со 16 бодови.

Во истата рунда се одиграа уште два меча, Верона славеше со 2:4 кај Сасуоло, а ремизираа Венеција – Емполи (1:1).