Во натпреварот од групата Ј од африканската квалификациска зона за пласман на Светското првенство 2022 година во Катар помеѓу Танзанија и Мадагаскар, беше досуден веројатно најбрзиот пенал во историјата на меѓународните натпревари.

Судијата Машуд Сали покажа белата точка за домашниот тим после само пет секунди игра од мечот.

Една долга топка од центарот, голманот на гостите Мелвин Адриен несмасно налета на домашниот напаѓач Симон Мсуву, па Танзанија доби одлична можност за водство, што ја искористи капитенот Ерасто Ниони.

На крајот Танзанија победи со 3:2 и така се искачи на врвот на табелата со четири бода, колку што има и второпласираниот Бенин.Мадагаскар е последен без бодови, а во групата е и ДР Конго, кој има два бода.

Нема официјална статистика за најбрзите удари од пенал на репрезентативните натпревари, но најбрзиот досега познат пенал се случи на пријателскиот натпревар помеѓу Црна Гора и Гана во Подгорица во 2014 година, кога домаќинот доби пенал по 10 секунди.