Кошаркарите на Лејкерси стигнаа само до шестата победа во 17. натпревар сезонава во НБА лигата, изминатата ноќ го совладаа Сан Антонио со 105:94.

За Лејкерси ова беше четврти триумф во последните пет натпревари, а прв по подолго време со Леброн во екипата кој се врати откако пропушти шест натпревари поради повреда. Натпреварот Леброн го заврши со 21 поен, осум скока и пет асистенции. Покрај Леброн одличен беше и Ентони Дејвис кој запиша дабл-дабл од 25 поени и 15 скока.

Најнеизвесниот натпревар изминатата вечер го одиграа Портланд и Њујорк Никси во „Медисон Сквер Гарден“, гостите славеа победа со 132:129 после продолжение од пет минути. Личен рекорд оствари Џереми Грент од 44 поени, Енферни Симонс додаде 38 поени.

Одлична вечер имаа и најзаслужни за победите на своите тимови беа Јанис Антетокумпо и Стеф Кари. Грчкиот кошаркар со 38 поени го предводеше Милвоки до триумф против Кливленд (117:102). Кари постигна 33 поени во победата на Вориорси против Јута (129:118).

Никола Јокиќ оствари дабл-дабл учинок во победата на Денвер со Клиперс (114:110). Српскиот центар постигна 19 поени, додаде 13 скока и шест асистенции. Гордон беше поентерски најрасположен со 29 поени. Вол на другата страна постигна 23 поени.

НБА РЕЗУЛТАТИ: Орландо – Филаделфија 99-107, Њујорк – Портланд 129-132 (п), Бостон – Сакраменто 122-104, Хјустон – Атланта 128-122, Индијана – Бруклин 128-117, Мемфис – Њу Орлеанс 132-111, Мајами – Вашингтон 110-107, Милвоки – Кливленд 117-102, Оклахома – Чикаго 123-119 (п), С. Антонио – ЛА Лејкерс 94-105, Феникс – Детроит 108-102, Г. Стејт – Јута 129-118, ЛА Клиперс – Денвер 104-114.