ВИДЕО: Да не подгреваме непријатности во јавноста, вели Заев

Европската Унија го смета како билатерално прашањето за добрососедските односи со Бугарија, но тоа не значи дека не треба да направиме напори да го решиме. Во континуитет ќе правиме се, колку што е можно порано да се изнајде решение за ова прашање, истакна денеска премиерот Зоран Заев.

-Договорите со Грција и Бугарија не се само буква на хартија, тие се имплементираат во сите свои аспекти. Драго ми е што Бугарија многу често напоменува дека останува континуиран поддржувач за нашето челество во Европската Унија. Верувам дека согласно европските вредности и принципи постои решение за се. Фокусирани сме да се изнајде решение кое ќе создаде убава атмосфера за одржувањето на првата меѓувладина конференција до крајот на годинава, рече премиерот Заев во одговор на прашање на прес-конференцијата во Владата по онлајн состаноците со претседателот на Европскиот совет Шарл Мишел, потпретседателот на ЕК Жозеф Борел, еврокомесарот за проширување Оливер Вархеј и претседателот на ЕП Дејвид Сасоли.

Прочитајте и...  Додик: Инцко е монструм, ги мрази Србите, сакаме да си замине

Решението, потенцира, треба да се најде до првата меѓувладина конференција, поточно до 10 ноември.

Сепак, не ја отстрани можноста за неодржување на меѓувладината конференција поради евентуалното бугарско вето, но додаде дека верува оти бугарскиот народ, премиер и претседател ќе дадат поддршка за отпочнувањето на преговорите со ЕУ.

-Се обидуваме да бидеме разумни да не подгреваме непријатности во јавноста. Се обидуваме да најдеме начин да ги решиме работите и тоа и го работиме и верувам дека можат да се изнајдат решенија, особено што и низ поглавјата постојат можности да застане процесот доколку некоја од земјите-членки не е задоволна како се случуваат реформите или како се решаваат билатералните прашања. Верувам дека не е во интерес на никого да се попречи европскиот пат. Ние како Македонци никогаш тоа не би му го направиле на нашиот сосед и на нашите браќа и пријатели Бугари. Затоа верувам дека и тие нема да го направат тоа- рече Заев.

Заев: Подготвени да ја исполниме нашата ЕУ агенда, нема да дозволиме причини за нови одлагања (ВИДЕО)

Нагласи дека секогаш е подобро предвреме да се решат работите, а не да се оставаат за понатаму иако, како што кажа, може да се остави за решавање во понатамошниот период делот кој не бил решен во моментов.

Прочитајте и...  Инцко: Дејтон се политизира, пораките на негирање на БиХ доаѓаат од Република Срспка

-Верувам дека поглавјата кои ќе бидат отворени за Република Северна Македонија ќе значат решавање на сите пречки кои постојат помеѓу нас. Секогаш гледам од позитивната страна на медалјата и верувам дека двете страни ќе смогнеме доволна европска капацитетна вредност за да можеме да ги решиме проблемите зашто суштината е во пријателството. Имаме веќе постигнато договор и забелешка беше дека комисијата не работи доволно добро иако има одржано 10 средби за 20 месеци и со заклучоци има решено пет историски личности и три историски периоди и сега разговара за наредните периоди. Веќе е закажана и уште една средба што треба да се одржи до крајот на годинава и најмалку пет во 2021 година. Тоа е решението низ кое треба да ги решаваме отворените прашања како што е зацртано во договорот- рече Заев.

Заев: Со мојот брат Борисов ги храбриме комисиите да работат низ историските прашања

Поврзани вести

Лисица ги изненади скопјани 

Илинка Иљоска

Затвореник измачувал и убил педофил, сакал и да го изеде. Пред судијата рекол дека убаво си поминал

И.И.

Лисиче и Аеродом се гасна комора, се жалат граѓаните на социјалните мрежи

Илинка Иљоска

Расфрлени кондоми и 80 луѓе без маски: Полицајци упаднаа на забава во Њујорк, сфатија дека прекинале оргии

Слободен печат

ВИДЕО: Австралија во шок откако тинејџер беше онесвестен од обезбедување бидејќи не носел маска

СП.

Правеле хрватски пасоши за криминалци од Србија и Црна Гора, уапсени 11 лица

И.И.

Остави Коментар