ВИДЕО | Д-р Захариева: Огромна бројка на хоспитализирани во Куманово, на помош доаѓаат специјализанти од Крива Паланка
Во Куманово моментов има 67 хоспитализирани лица. Тоа е огромна бројка. Пред една недела бевме принудени да пуштиме уште еден објект, истакна за „Утрински брифинг“ кој се емитува на „Слободна Тв“, д-р Снежана Захариева, директор на Кумановската болница.
-Не смееме да сметаме само на Клиниките. Самиот транспорт е голем проблем за заболените. Треба во момент да се реагира. Се прилагодуваме од ден на ден. Треба да се најдат решенија. Објектите не се проблем. Проблем е пренамената и персоналот. Денес на помош ни доаѓаат специјализанти од Крива Паланка- вели д-р Снежана Захариева, директор на Кумановската болница.
Имаме само тројца инфектолози. На помош доаѓаат специјализанти и општи доктори кои го познаваат начинот на работа.
-Во другиот оддел има и интернисти кои се поддршка и помош на младите колеги, вели Захариева и додава дека останатите пациенти кои не се заболени од ковид-19 не се оставени сами. Имаме механизми, оперативниот програм функционира, иако заради додатните ангажмани моравме да редуцираме одредени термини, вели Захариева и апелира за дисциплина, водење сметка и за себе и за другите- вели д-р Захариева.
Целиот разговор проследете го во видеото: