Брзите тестови се распределени во шесте пунктови во Скопје. Сето тоа оди преку матичниот лекар, за граѓаните да можат да добијат резултат за петнаесеттина минути. Доколкку тестот е позитивен значи нема потреба од ПЦР тест. Со ваков резултат од тестот истиот ден се добива решение за изолација. Негативниот тест по препорака и од СЗО бара потреба и од ПЦР тест, изјави во „Утрински брифинг“ на „Слободна ТВ“ првиот човек на Здравствен дом Скопје, Д-р Виктор Исјановски.

-Бројките се големи. Гледаме дека и во регионот и во светот е исто. Има една голема распространетост на вирусот. Здравствениот систем добро се држи, а здравствениот дом се покажа како добра бариера спрема Клиничкиот центар и останатите болници и клиники. Засега успеваме да го издржиме приитисокот. Засега состојбата на територијата на град Скопје со брзата помош е стабилна. Засега имаме доволен број на екипи кои го покриваат работењето. Гледаме со распореди и термини да нема некој застој, рече Исјановски.

-Стапивме во контакт со ЕУ и СЗО. Еден дел од количината на вакцина е обезбеден и за нашата држава кога истата ќе почне да се прераспределува во Европската унија, изјави во „Утрински брифинг“ на „Слободна ТВ“, Д-р Виктор Исјановски, Здравствен дом Скопје.

Целиот разговор проследете го во видеото: