ВИДЕО | Д-р Димова: Вакцините се нешто што без дискусија мора да го употребиме како главно оружје во спречување на ширење на пандемијата

Прегледите се вратени во нормала. Животот тече, на пациентите мора да им се пружи задравствена услуга. Ние како приватна болница можам да кажам дека уште пред почетокот на пандемијата, кога беше во најава, почнавме сериозно да ги имплементираме протоколите за заштита и на здравствениот персонал и пациентите и тоа веќе е рутина, изјави во Утрински брифинг д-р Александра Димова од One Hospital, специјалист по Ортопедска Хирургија. 

Според неа непречено се одвиваат прегледите, со некои измени, а скратено е и времето на преглед за да се спречи ширење на заразата, просториите во кои се прегледите соодветно се дезинфицираат, се користи заштитна опрема.

-Со оглед на времетрањето и неизвесноста до кога ќе трае справувањето со ковид-19 сите болести мора да се третираат адекватно. Она што „добро“ во мојата специјалност е што ретко се работи за некоја акутна и ургентна патологија. Кога станува збор за заболувања кои и на самите пациенти им се познати не е секогаш неопходно да се појават на преглед, некогаш е сосема доволно и консултациите да се направат по телефон. Во конкретниов период, во зима, им советуваме на постарите пациенти да внимаваат затоа што постои опасност и од повреди, вели д-р Димова.

-Вакцините се нешто што секако е неопходно за справување со оваа пандемија, секако во компплет со она што до сега се преземаше како мерки. Имунитетот против ковид-19 секако се создава и со самото прележување на болеста и тоа е најдобриот и најприродниот имунитет, но ние не може да чекаме сите на природен начин да се имунизираме, така што вакцините се нешто што без дискусија мора да го употребиме како главно оружје во спречување на ширење на пандемијата. Она што е специфично е што се од поинаков тип од стандардните вакцини кои што ги имаме во вакциналниот календар до сега, односно не се работи за ослабени вируси кои што треба понатаму да предизвикаат создавање на антитела, туку ова се понова генерација на вакцини кои што делуваат по принцип на праќање на информација до клетките или пак внесување на дел од секвенцата на одредени вирусни протеини во клетката, кои би стимулирале дополнително создавање на протеински секвенци на вирусот, кои што организмот би ги препознал како нешто против кое што треба да се бори и тука се активира ланецот на создавање одбрана, создавање на антителата односно активирање на другите одбранбени механизими.

Целиот разговор погледнете го во видеото:

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот