Денеска во рамките од 25 коло во најсилната италијанска лига составот на Милан на домашен терен ремизираше со Удинезе (1:1). Тимот од Удине беше многу блиску да направи изненадување на стадионот „Сан Сиро“, но во финишот „росонерите“ го избегнаа поразот.

Бекао во 68 минута после асистенцијата на Де Пол се погрижи за водство на Удинезе. За гостите целиот натпревар го одигра македонскиот репрезентативец Илија Несторовски. Имаше доста големо продолжение, Милан успеа во 97 минута да дојде до реми преку Кесје кој реализираше пенал.

На табелата екипата на Пиоли е на втората позиција со 53 бодови, три помалку од Интер кој својот меч ќе го има утре на гости кај Парма. Удинезе останува во средниот ред на табелата во Серија А, односно моментно е на 11 позиција со 29 бодови.

Џенова на стадионот „Луиџи Ферарис“ одигра нерешено 1:1 со Сампдорија, за домаќините нашиот Горан Пандев настапи од 73 минута како замена за Дестро.

Во другите мечеви од лигашката рунда: Аталанта-Кротоне 5:1, Беневенто-Верона 0:3, Каљари-Болоња 1:0 и Фиорентина-Рома 1:2.

ВИДЕО: Во финишот им избега победата на Елмас и Наполи!