ВИДЕО | ЦИВИЛ: Институциите да превенираат насилство во изборниот процес

Џабир Дерала
Џабир Дерала / Фото: Скриншот, ЦИВИЛ медиа

Невладината ЦИВИЛ апелира до политичките партии и нивните поддржувачи, како и од соодветните институции, да преземат итни мерки за превенција од насилство во изборниот процес. Во својот изборен рапорт од ЦИВИЛ, истакнуваат дека во текот на вчерашниот ден МВР известиле за обид за физички напад со метален предмет врз градоначалникот на Лозово, Ацо Велковски од страна на жител на село Каратманово кој се случил на 2 октомври 2021.

– Како што известија од МВР, се преземаат мерки за расчистување на случајот. По бомбата во дворот на кандидат за советничка листа на СДСМ во Шуто Оризари, тепачка и оштетување на рекламен материјал во Чашка и пукањето пред изборниот штаб на ДУИ во Чаир, ова е четврти инцидент со насилство во изборната кампања, соопштија од ЦИВИЛ.

Од таму уште додаваат дека мониторингот на ЦИВИЛ бележи случаи на непочитување на протоколите и на препораките за заштита од ковид-19 речиси на сите митинзи од речиси сите политички партии.

Меѓу другото од ЦИВИЛ, реагираат и на политичка злоупотреба на децата. Според нивните податоци и понатаму продолжува политичката злоупотреба на деца во кампањски активности на политичките партии.

– Во текот на вчерашниот ден, мониторинг тимот на ЦИВИЛ забележа уште еден случај на присуство на деца на спортска активност на ДУИ, во која покрај високи партиски функционери и кандидати на изборите, учествуваа и деца. Злоупотребата на децата во политички и зборни кампањи е забрането според Законот за заштита на децата, велат од ЦИВИЛ.

Извор: МИА

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот