Рускиот тенисер Данил Медведев и Гркот Стефанос Циципас, вториот и четвртиот носител, направија чекор поблиску кон освојување на трофејот на првиот грен слем годинава во Мелбурн.

Медведев во третото коло го совлада Холанѓанецот Ботик Ван де Зандшулп со 3:0 во сетови 6:4, 6:4 и 6:2 за помалку од два часа игра. За пласман во четвртфиналето Русинот ќе игра против американскиот тенисер Максим Креси кој беше подобар од Австралиецот Кристофер О`Конел со 6:2, 7:6 (6), 3:6 и 6:2.

Циципас се најде меѓу најдобрите 16 на овој турнир по триумфот над Французинот Беноа Пер со 6:3, 7:5, 6:7 (2) и 6:4. Следен ривал на грчкиот натпреварувач ќе биде Американецот Тајлер Фриц кој го елиминираше Роберто Баутиста Агут со 0:6, 6:3, 6:3, 4:6 и 6:3.

Во другите мечеви: Еванс-Ожер Алијасим 0:3 и Даниел-Синер 1:3. Во женска конкуренција Црногорката Данка Ковиниќ која претходно направи изненадување совладувајќи ја Ема Радукану (Велика Британија), беше поразена од Романката Симона Халеп со 6:2 и 6:1 за еден час и пет минути игра.

Во другите мечеви: Зиданшек – Корне 1:2, Таусон – Колинс 1:2, Мертенс – Женг 2:0, Канепи – Инглис 2:1, Вондрушова – Сабаленка 1:2 и Швјонтек – Касаткина 2:0.