ВИДЕО: Чурлинов го постигна првиот гол во дресот на Шалке

Дарко Чурлинов со еден гол учествуваше во убедливата победа на Шалке/ фото: ФФМ

Македонскиот репрезентативец Дарко Чурлинов е најзаслужен за убедливиот триумф на Шалке од 4:1 над Нирнберг во рамки на 17 коло во втората германска лига. Во претпоследното коло од есенскиот дел во втората лига, Чурлинов го постигна првиот гол во дресот на Шалке.

Напаѓачот на македонската репрезентација се запиша во листата на стрелци во 85 минута кога погоди за водство од 3:1 на неговиот тим.

Со победата, Шалке се искачи на третото место на табелата со 29 бода и се вмеша во трката за освојување на едно од првите две места на табелата кои носат директен пласман во Бундеслигата.
Дарко Чурлинов сезонава настапува за Шалке како позајмен играч од Штутгарт.

Видео на денот