ВИДЕО: Чудесно, голман одбрани и постигна гол за победа на Мешков Брест во ЛШ
Денеска во рамките од деветтото коло во ЕХФ Лигата на шампионите во групата „А“ каде што настапува и Вардар 1961, на гостински терен славеше Мешков Брест над Елверум со 32:33.
Белорусите во последните секунди триумфираше во Норвешка, нивниот голман Иван Мацкевич реализираше чудесен гол за прв триумф на неговиот клуб сезонава во најквалитетното европско клупско натпреварување.
Ова е можеби најлудиот погодок во историјата на ЛШ, домаќинот имаше напад за победа, но неговиот удар го одбрани Мацкевич кој ја зафати топката на самата гол линија.
А потоа веднаш забележа дека беше празна противничката мрежа и од гол на гол стрелаше за голема радост на Мешков Брест.
Моментно на табелата во групата „А“ води Монпеље со 13 бодови, пред Пик Сегед со 12, 11 има Кил, Алборг 10, Елверум 8, Вардар 5, ППД Загреб 4, а Мешков Брест 3.