ВИДЕО | Човек спасил був заглавен на кров, птицата имала преслатка реакција кога добила храна
Еден був се заглавил на покрив од училиште во Сирија. Птицата била многу исплашена и се обидувала да побегне, но не можела да го направи тоа бидејќи ногата ѝ била обвиткана со јаже.
За среќа, еден маж бил доволно храбар и бил решен дека ќе ѝ помогне на птицата.
„Мојата сестра ми кажа дека има був кој е заглавен на покривот и дека му било обвиткано јаже околу ногата. Во тој момент, јас знаев дека морам да му помогнам“, раскажал човекот за „The Dodo“.
Тој донел ножици и ќебе и се качил на покривот на училиштето. Успеал да го пресече јажето и да го ослободи бувот, па го завиткал со ќебето.
„Кога го ослободив бувот, ѝ го предадов на учителката. Птицата веднаш беше посмирена и благодарна што успеавме да ја спасиме”, рекол тој.
Потоа, тој ја однел птицата дома и се грижел за неа одреден период.
„Ја хранев петпати дневно и ѝ давав вода со витамини за да се опорави побргу и да стане посилна. Таа јадеше и ме гледаше како да сакаше да ми каже: ‘Дај ми уште храна, многу сум гладна’. Јас спасувам животни веќе неколку години, но ова беше посебно искуство“, раскажал човекот.
Кога се опоравила, човекот ја однел птицата во блиската шума и таа одлетала.
„Се надевам дека сега живее добро таму“, рекол за крај.