ВИДЕО | Членовите на кралското семејство пристигнаа во замокот Виндзор: Светските медиуми во живо ја пренесуваат церемонијата по повод погребот на принцот Филип
Принцот Филип, војводата од Единбург, британски принц и сопруг на кралицата Елизабета Втора почина на 9 април 2021 година на 99-годишна возраст. Кралското семејство денес ќе го одржи последното збогување со него…
Архиепископот од Кантербери пристигна во капелата Сент Џорџ во пресрет на службите по повод погребот на принцот Филип, а Џастин Велби ќе го води последното збогување заедно со деканот на Виндзор. Двајцата ќе го поздрават ковчегот по едноминутно молчење што ќе го означи почетокот на погребот.
View this post on Instagram
Принцот Вилијам и неговата сопруга Кејт Мидлтон пристигнаа во замокот Виндзор, пред службата во 15 часот по локално време. Принцот Вилијам и Кејт ќе им се придружат на другите членови на кралското семејство кои денес ќе се простат од принцот Филип со скромна церемонија.
Од сите членови на кралското семејство, први кои пристигнаа во замокот Виндзор беа принцот Чарлс и неговата сопруга Камила, војвотката од Корнвол. Двајцата се меѓу само 30-те на кои ќе им биде дозволено да присуствуваат на интимната служба.
View this post on Instagram
Голема тага во Велика Британија
Сè е подготвено за последното збогување со војводата од Единбург, принцот Филип. Полициските службеници ја обезбедуваа областа со денови, а голем број граѓани дојдоа до оградата на замокот за последен пат да се збогуваат од членот на кралското семејство.
