Фудбалерите на Челси со 0:3 го совладаа Тотенхем во лондонското дерби во рамки на петтото коло од Премиер лигата.

Тотенхем кој играше добро во првите три кола успеа да го задржи актуелниот европски шампион во првото полувреме да нема ниту еден шут во рамките на голот, нешто што досега им се нема случено на „сините“, откако Томас Тухел седи на клупата.

Германецот во второто полувреме го внесе Нголо Канте на местото на Мејсон Маунт и со тоа резултира со два гола, од кое едниот е токму на Французинот.

Прво Тијаго Силва го отвори резултатот, по што Канте во 57 минута зголеми на 0:2. Конечниот резултат го постави Антонио Ридигер во судиското продолжение.

Со оваа победа, Челси се израмни со Ливерпул на врвот на табелата со 13 бодови, а двете екипи имаат и идентична гол разлика 12:1. Трет е Манчестер јунајтед кој исто така има 13 бодови, додека Тотенхем е седми со девет бодови.