ВИДЕО: Челси е новиот европски шампион, Тухел станува „кошмар“ за Гвардиола!
Вечерва во големото финале на Лигата на шампионите одиграно на стадионот „Драгао“ во Порто екипата на Челси во англиската пресметка со 1:0 триумфираше над Манчестер сити.
Единствениот погодок на мечот во Португалија за лондонските „сини“ го реализираше германскиот интернационалец Каи Хаверц во 42 минута после асистенцијата на Мејсон Маунт.
Интересен е податокот кој вели дека во својот 20 настап во елитното европско клупско натпреварување, ова е прв гол за Хаверц во Лигата на шампионите.
Маунт е прв англиски фудбалер со асистенција во финале на ЛШ од 2008 година кога тоа му успеа на Вес Браун.
За Челси ова е втора титула во ЛШ, првата ја освои во 2012 година кога во Минхен по изведувањето на пеналите беше подобар од Баерн.
🏆 𝗖𝗛𝗔𝗠𝗣𝗜𝗢𝗡𝗦 𝗢𝗙 𝗘𝗨𝗥𝗢𝗣𝗘 🏆
Congratulations, @ChelseaFC! 🎉🎉🎉#UCL #UCLfinal pic.twitter.com/DDxy0BZYCn
— UEFA Champions League (@ChampionsLeague) May 29, 2021
Кога сме кај тренерите, Томас Тухел доминира во меѓусебните дуели со Пеп Гвардиола. Германецот од моментот кога седна на клупата на Челси за само четири месеци го надмудри Шпанецот, во ФА Купот со 1:0, во Премиер лигата со 2:1 и сега во ЛШ со 1:0.
За „граѓаните“ ова беше првиот и единствен пораз сезонава во ЛШ, а за Челси втор, беше поразен во четвртфиналето од Порто.
Chelsea have now played Man City three times since Thomas Tuchel took over as manager:
◉ FA Cup: Chelsea 1-0 Man City
◉ PL: Chelsea 2-1 Man City
◉ UCL: Chelsea 1-0 Man CityA treble over Pep Guardiola in just four months. 🤯 pic.twitter.com/mw0G120T2Z
— Squawka Football (@Squawka) May 29, 2021
ФИНАЛЕ, ЛИГА НА ШАМПИОНИ (2020/2021)
Стадион „Драгао“, Порто
Манчестер сити – Челси 0:1 (0:1)
Хаверц 42`
Манчестер сити: Едерсон, Зинченко, Дијас, Стоунс, Вокер, Фоден, Гундоган, Силва (Фернандињо 64`), Де Брујн (Габриел Жезус 60`), Стерлинг (Агуеро 77`), Марез.
Челси: Менди, Азпиликуета, Силва (Кристенсен 39`), Ридигер, Џејмс, Жоржињо, Канте, Чилвел, Хаверц, Маунт (Ковачиќ 80`0, Вернер (Пулишиќ 66`).
