ВИДЕО | Чанкуловска: За музеите државата треба да определи приоритети

Маја Чанкуловска/Фото: Слободен печат

Меѓународниот ден на музеите, 18 мај беше одбележан во Музејот на Северна Македонија, со советувања на тема „Моќта на музеите“, организирани од Здружението Македонски национален комитет на Меѓународниот совет на музеите (МНК ИКОМ).

„Музеите имаат голем број проблеми и тоа е така не само кај нас, туку и во светот. Меѓутоа кај нас како земја која економски е послаба во однос на големите земји, тие проблеми се понагласени во музеите. Во однос на заштитата на културното наследство, еден од најголемите проблеми е состојбата на депоата, бидејќи повеќето депоа освен неколку се несоодветни и се наоѓаат во адаптирани згради, кои честопати и самите се културни споменици. Се работи за комплексен процес кој што бара постојано одржување и дозволи затоа што не може за се’ да се интервенира во таков простор. Треба постојано одржување. Во однос на инвестициите треба многу повеќе да се вложи, не само во тековното одржување на објектите, депоата, исто така и во однос на реставрацијата. Вистина е дека се’ помалку и помалку имаме стручни кадри во конзерваторските центри и тоа е долг и сложен процес“, вели за Утрински брифинг, Маја Чанкуловска, претседателка на Македонски национален комитет на Меѓународниот совет на музеите.

Коментирајќи ја ситуацијата во Музејот на македонска борба каде се трошат стотици илјади денари месечно за електрична енергија за одржување на восочните фигури кои беа дел од проектот „Скопје 2014“, Чанкуловска вели: За тоа не треба многу време, треба да се собере еден тим на стручни лица и да одлучи кои се приоритетите на една земја и кои се културните политики на земјата, дали сакаме да заштитиме или да промовираме некаков тип на презентација“, додава таа.

За повеќе од разговорот погледнете го видеото:

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот