Во последното истражување „Руралните жени водат“ сакавме да видиме со што се соочуваат руралните жени во времето на пандемијата, особено со оглед на тоа што родовиот јаз е понагласен во руралните средини, вели Неда Чаловска Димовска – програмска офицерка за родова еднаквост и малцинства за Утрински брифинг.

-Пандемијата само ја влоши ситуацијата. Ако порано жените во руралните средини работеа 10-11 часа неплатена работа за разлика од мажите со 9 часа работа, сега работат 15 па и повеќе часа. Жените придонесуваат кон нивните семејни земјоделски стопанства но тоа не е никаде регистрирано по што на долг рок се најневидливите работници во земјата кои имаат проблем да остварат права од здравствено и пензиско осигурување, вели Чаловска.

Таа додава дека во руралното семејство иако жената најмногу придонесува за производство на храна таа јаде последна и најмалку квалитетна храна. Истражувањето покажа дека во регионот проблемите се реплицираат. Кај нас е различно платеното породилно отсуство, односно жените регистрирани како земјоделци не се внесени во законот и не можат да остварат платено породилно отсуство.

Во однос на безбедноста на руралните жените, ако претходно само 3 отсто изјавиле дека се чувствувале небезбедно во својот дом, сега со пандемијата процентот е 40 отсто.

Проследете го целиот разговорот во видеото