ВИДЕО: Бурата Крован го погоди Филипини, загинаа девет лица

Девет лица загинаа во поплавите и свлечиштата предизвикани од тропската бура Крован на Филипините, соопштија денеска локалните власти, пренесува ДПА.

Шест од жртвите се удавија во поплавите во јужните провинции Агусан Дел Сур и Суригао Дел Сур, соопштија локалните власти. Две лица загинаа при лизгање на земјиштето во источната провинција Лејте, додека уште еден смртен случај беше пријавен во под-регионот Давао, соопшти националната агенција за катастрофи.

Поради поплавите и свлечиштата раселени се повеќе од 36.000 жители и предизвикана е штета на инфраструктурата вредна над 110 милиони пезоси (2,3 милиони долари).

Крован викендов донесе обилни дождови во јужните и источните провинции. Се очекува бурата утре да ги напушти Филипините, соопшти бирото за временска прогноза.

Извор.МИА

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот