ВИДЕО | Бундеслига: Унион Берлин славеше во градското дерби и се израмни со Баерн на врвот
Во терминот од 15:30 часот попладнево во Бундеслигата се одиграа пет средби, а помеѓу нив беше и градското дерби помеѓу Унион Берлин и Херта.
Унион Берлин славеше победа против Херта и така се израмни со Баерн на врвот на табелата. Првиот гол фаворитот на овој натпревар го постигна пред крајот на првиот дел преку Даниоло Доеки. Предноста ја дуплираше Пол Сегин.
Со овој триумф Унион Берлин ја продолжува трката со Баерн за титулата во Бундеслигата, додека Херта остана претпоследна на табелата. Баерн на врвот има 36 бода колку и Унион Берлин, Лајпциг е трет со 35, додека Фрабург четврти со 34.
Во останатите натпревари Борусија Менхгладбах беше убедлива против Хофенхајм со 4:1, Мајнц во голеадата со Бохум славеше со 5:2, Вердер Бремен со 2:1 го совлада Волфсбург, а Фрајбург дома триумфираше со Аугусбург 3:1.
Баерн од 18:30 часот го игра својот натпревар против Ајнтрахт Франкфурт.