ВИДЕО | Брегзит: Холандски цариници запленуваат сендвичи од патници од Британија
На снимките направени минатата недела можат да се видат цариници како стопираат возачи на автомобили и камиони.
„Добредојдовте во Брегзит господине… жал ми е“, вели еден цариник додека му го одзема сендвичот на еден возач на камион, кој е Полјак.
Возачот потоа го прашува холандскиот цариник дали може „да му го земе само месото и да му го остави лебот?“ Но цариникот одговара: „Не, се ќе биде конфискувано“.
На снимката се гледа како на друг возач му одземаат рибни производи.
Nothing says ‘taking back control’ than having your sandwiches confiscated at the Dutch border. #torybrexit Britain
— Simon Gosden. Esq. #fbpe 3.5% ??????☠️?? (@g_gosden) January 11, 2021
Согласно новите правила, по излегувањето на Велика Британија од ЕУ на 1 јануари годинава, забрането е внесување на месни или млечни производи, дури и за лична употреба, во ЕУ. Правилото има за цел да спречи влез на прехранбени производи кои можат да пренесуваат болести.
Празни рафтови во продавница на „Маркс и Спенсер“ во Франција поради Брегзит
Новите правила тешко го погодија и британскиот трговски ланец „Маркс и Спенсер“ кому не му е дозволено да ги продава своите популарни сендвичи и готови јадења во Франција откако Британија ја напушти ЕУ.
Преземено од Дојче Веле
[sc name=”dw” ]