ВИДЕО | Бостон вторпат го победи Мајами и ги задржа надежите за пресврт каков што немало во НБА
Majaми Хит не успеа да се пласира во финалето на НБА лигата, Бостон во петтиот натпревар славеше победа и намали на 3:2 во серијата.
По почетните 0:3 Селтикси возвратија со две победи и ги задржија надежите за историски пресврт. Прво славеа со 116:99, а сега со 110:97 на домашен терен. Бостон одлично го отвори натпреварот и уште на почетокот на втората четвртина имаше водство од 38:20, а потоа пред полувремето поведе со 61:41.
Мајами никако не успеваше да се врати, па Бостон во последната четвртина водеше со највисоки 96:72, во финишот гостите успеаа само да го ублажат поразот.
Селтикси имаа многу повеќе расположени играчи па така четворица беа на 20+ поени. Вајт беше најефикасен со 24, Смарт 23, а Тејтум и Браун додадоа по 21. Кај Мајами беше најефикасен Робинсон со 18, Џими Батлер додаде скромни 14.
Во НБА лигата 150 пати се случило еден тим да има предност од од 3:0 во серијата и во ниту една ситуација противникот не успеал да се врати и да излезе како победник.