ВИДЕО: Бостон на чекор до големото НБА финале

фото: EPA-EFE/RHONA WISE

Кошаркарите на Бостон селтикс дојдоа на една победа од пласман во големото финале во НБА лигата откако во петтиот натпревар во финалето на Источната конференција славеа на гости против Мајами хит со 93:80. По триумфот на Флорида, екипата на Бостон води со 3:2 во победи во серијата кој прв до четири триумфи.

Натпреварот беше решен со неверојатната серија на Бостон од крајот на втората четвртина па се до средината на третиот дел од 24:2 со која поведе со 83:60 и ги реши дилемите околу победникот.


Најефикасни кај Бостон беа Џејлен Браун со 25 поени, Џејсон Тејтум со 22 поени, 12 скокови и 9 асистенции и Ал Хорфорд кој постигна 16 поени.
Во редовите на Мајами, Бем Адебајо имаше дабл-дабл од 18 поени и 10 скокови, а Гејб Винсент постигна 15 поени.

Наредниот шести натпревар во серијата се игра во ноќта помеѓу петок и сабота со почеток од 2.30 часот.
Во Западната конференција, Голден Стејт вориорс води со 3:1 во победи против Далас маверикс.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот