Српскиот тенисер Новак Ѓоковиќ вчера докажа зошто многумина го сметаат за најдобар на сите времиња. Тој со убедливи 3-0 успеа да го совлада Гркот Стефанос Циципас и со што дојде до 10-тата титула во Австралија опен.

Ѓоковиќ и Циципас приредија одличен натпревар кој иако заврши со убедлив резултат за Србинот, поразениот Циципас во последните два сета покажа дека може да му се спротивстави на шампионот.

Во светот на ракометот пак, исто така се одигра едно големо финале. Репрезентацијата на Данска стигна до нова титула на светски првак, откако со 34-29 ја совлада екипата на Франција.

Моќната Данска не им дозволи на Французите да им се доближат, постојано држејќи ја предноста од 2 или 3 гола.