ВИДЕО: Богдановиќ со најдобра партија за Атланта, Вориорси декласирани со 53 разлика!
Богдан Богдановиќ продолжи со одличните игри во дресот на Хокси и доцна синоќа во НБА лигата го одигра најдобриот натпребар од доаѓањето во екипата.
Српскиот интернационалец во триумфот над Њу Орлеанс (126:103) беше најефикасен во редовите на Атланта со 26 поени, по седум скокови и асистенции за 33 минути игра на паркетот.
На спротивната страна за Пеликанси 21 кош беа дело на Луис, а 16 реализираше Џонсон.
Торонто со дури 53 разлика го декласираше Голден Стејт (130:77) во чии редови не настапија Стеф Кари и Дрејмонд Грин.
Прв стрелец кај Репторси беше Паскал Сијакам со 36 поени, а во поразената екипа доминираше Ендру Вигинс со 15.
НБА лига, резултати –
Торонто – Голден Стејт 130:77
Бостон – Хјустон 118:102
Њујорк – Далас 86:99
Индијана – Шарлот 97:114
Мемфис – Минесота 120:108
Њу Орлеанс – Атланта 103:126
Јута – Чикаго 113:106
Феникс – Оклахома 140:103
Портланд – Милвоки 109:127
Сакраменто – ЛА Лејкерс 94:115
