Станува збор за моменти кога судиите ќе завршат како дел од смешни клипови, но има и моменти кои не се толку смешни и забавни бидејќи и самите судии знаат да завршат со повреди.
Последната повреда се случи неодамна кога НБА судија прво го повреди зглобот на ногата, и кога се опорави доби топка директно во меѓуножјето.

NBA ref Leroy Richardson got bumped multiple times but still managed to finish the game pic.twitter.com/keb9hZZqly

— Bleacher Report (@BleacherReport) April 1, 2021

Една од најбизарните повреди на судиите се случи 2017 година кога Расел Вестбрук тргна кон својата клупа и притоа ја фрли топката, која пак заврши во главата на судијата. Вестбрук поради тоа доби техничка грешка.

Натпреварот во НЦАА лигата помеѓу Ла Сејл и Вадербилт имаше необичен почеток бидејќи судијата Рик Крафорд при потфрлањето на топките доби лакот во главара од еден од кошаркарите по што падна како покосен на теренот.

Хокејот е еден од најопасните спортови и повредите се далеку посериозни. Еден од најбизарните моемнти во НХЛ лигата беше од финалето во 2012 година кога судијата се најде на патот на играчот на Њу Џерси девилс.

Линиските судиии во фудбалот се најчесто на удар на гневните навивачи кои не се согласласуваат со нивните одлуки.
На натпреварот од Лигата во Европа од 2018 година на кој играа Штурм и АЕК Ларнака, линискиот судија беше погоден со пластична чаша во главата по што заврши облиен во крв. Тој беше изнесен надвор од теренот, а неговото место го зазеде четвртиот судија.

Бизарните судиски повреди се ретки во боксот, но сепак постојат бидејќи тие често знаат да се најдат на погрешно место и наместо противничкиот боксер, судијата да заврши во нокдаун.
Еден од најбизарните моменти се случи на ЕП 2014 година кога хрватскиот боксер Видо Лончар по поразот во тешка категорија му се нафрли на судијата и брутално го претепа  додека неговиот противник избега од рингот. Лончар потоа заработи доживотна суспензија.