ВИДЕО| Битољану: Не успеваме да ги учиме новите генерации да не се мразат – Меѓаши со кампања „Поттикни мир“

Првата детска амабасада во светот Меѓаши започна кампања на тема „Поттикни МИР”, што се фокусира на преземање акција и поттикнување промена на локално и индивидуално ниво. Кампањата ќе се одвива онлајн, преку објавување кратка поттикнувачка содржина на социјалните платформи на детската амбасада.

Целта на кампањата е да го подигне нивото на општествена одговорност, да се гради и одржува мирот, а како што порачаа од Меѓаши мирот се гради само ако прифатиме дека истиот не е во отсуство на војна, ниту моментална состојба, туку константен процес што директно зависи од нашите акции.

-Доволно е да се свртиме околу себе и да видиме дека состојбата со меѓучовечките односи и со младите и со повозрасните не е еподобрена. Дури успеваме да најдеме нови начини на поделби и на некој начин да бидеме насилни и агресивни кон другите. Состојбите сами од себе нема да се сменат нема да станат подобри. Токму затоа сакаме да поттикнеме размислување на темите што е мир, како би изгледало тоа живеење, изјави во Утрински брифинг Ана Битољану од Првата детска амбасада во светот Меѓаши.

Програмата се изведува во средните училишта, но идејата не е да биде фокусирана само на учениците и ученичките и наставниот кадар во училиштата. Она што се случува на социјалните мрежи во најмала рака е загрижувачки по многу аспекти. Како да е дадена дозвола да се може да се каже , а никој да не одговара за било што, под името дека е демократија секој може да дава лажни обвинувања, омраза, поттикнување на се што не чини. Токму поради тоа, а и поради состојбата со кораната, социјалните мрежи се најдобар канал за комуницирање на овие пораки. Кампањите траат околу месец дена , но се обидуваме во текот на годината да потсетуваме, вели Битољану.

Впечаток ни е дека генерално сме заглавени и сите сме одлични во тоа што не чини, што не е добро, како не треба…Многу малку успеваме да излеземе од тоа и да речеме – ајде што понатаму, вели Битољану.

-До родителите тешко се стигнува. И заради начинот на живеење, а и заради генералната поставеност дека ова се училишни работи. Оние родители кои се заинтересирани се јавуваат сами, и обично тоа се родители кои веќе укажуваат на вредностите во општеството. Така што оние родители до кои би сакале да допреме и да им биде јасно дека сме заедно во вој процес, најчесто изостануваат, изјави Битољану.

Целиот разговор погледнете го во видеото:

Видео на денот