ВИДЕО | „Битола синоќа пееше во еден глас“: Споделуваме моменти од концертот за Тоше и Аки!
Синоќа во Битола се одржа концертот „Засекогаш во срцата“ посветен на нашите Тоше Проески и неодамна починатиот Аки Рахимовски.
Синоќешниот концерт и оној што е закажан за вечерва, се во организација на Центарот за култура Битола и Камерниот оркестар Битола.
View this post on Instagram
На сцената застанаа Александра Јанева, Ламбе Алабаковски, Каролина Гочева, Виктор Апостоловски, Јана Бурчевска, Александар Тарабунов и Димитар Андоновски кои беа придружувани од прекрасниот хор и диригентот Владимир Димовски кој го водеше Камерниот оркестар.
Оддавајќи им почит на двете големи музички ѕвезди, публиката имаше можност да ужива во големите хитови на Тоше и Аки пеејќи ги во еден глас. „Дојди“, „Цреша“, „За овој свет“, „Боже не ми треба ништо друго“ и многу други…
Картите биле распродадени во рекордно време, имајќи предвид дека сè уште важат ограничувања и протоколи поради пандемијата на коронавирусот, па бројот на посетители беше ограничен.