Денеска во пријателски натпревар македонскиот прволигаш Шкупи загуби убедливо во Истанбул од Бешикташ со резултат 3:0. На стадионот „Водафон Парк“ стадионот Турците ги постигнаа првите два голови во првото полувреме, а третиот во вториот дел.

Топал во 12 минута донесе предност после изведен корнер, голманот на Шкупи Наумовски имаше погрешна проценка и топката заврши во мрежата.

Во 17 минута не беше најдобро отстранета опасноста, Наумовски за момент одбрани, одбиената топка дојде до Бразилецот Тешеира и се погрижи за зголемување на позитивата.

Конечниот епилог беше поставен во 50 минута кога одбраната на Шкупи буквално ја подаде топката до противникот и преку Јалчин стрелаше за 3:0.

Клубот од Чаир ја користи репрезентативната пауза за одигрување на тест мечеви пред следните мечеви Првата лига каде што моментно е лидер.