ВИДЕО: Белградскиот ЛГБТИ „Прајд“ се одржа без големи инциденти, илјадници луѓе на улиците

Учесниците на белградскиот „Прајд“ пред Парламентот на Србија / 18 септември 2021 / фото: ЕПА

Под силно полициско обезбедување, но без поголеми инциденти, попладнево во Белград се одржа маршот на припадниците на ЛГБТ-заедницата, кој е своевидна подготовка за „Европрајдот“, кој е закажан за идната година во српскиот главен град.

Учесниците во поворката од неколку илјади луѓе се прошетаа низ улиците во центарот на Белград, задржувајќи се пред Владата на Србија, каде што побараа да биде изгласан законот со кој во земјата ќе се дозволат истополовите бракови.

Годинешниот „Прајд“ во Белград го предводеше „кумата“, српската пејачка Наташа Беквалац, која пред собраните изјави дека „не е дојдена како поддржувач на ЛГБТ-заедницата, туку како дел од нејзе“.

Наташа Беквалац на белградскиот „Прајд“ / 18 септември 2021 / фото: Јутјуб/принтскрин

Учесниците во „Прајдот“ вечерва се во паркот „Мањеж“ во центарот на Белград, каде е организирана забава со музичка програма.

Во изминатите години, белградскиот „Прајд“ беше поприште на сериозни инциденти и напади на десничарски групи врз ЛГБТ-популацијата.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот