Новак Ѓоковиќ пристигна во Белград каде заедно со своите фанови го прослави историското остварување, највеќе недели на првото место на АТП ранг листата.
Ѓоковиќ денеска ја започна 311 недела на првото место со што го надмина рекордот на Рожер Федерер кој 310 недели беше лидер на АТП ранг листата. Поради тоа, пред ресторанот „Новак“ во Нов Белград беше организиран дочек за српскиот тенисер. Неколку стотици фанови се собраа пред ресторанот, а беше организиран и музички настап. Пристигнувањето на Ѓоковиќ беше одбележано и со огномет, по што тенисерот им се обрати на своите фанови.

– Денеска е посебен ден за мене и моето семејство но и за Србија. Ви благодарам за успехот кој не е само мој туку и ваш. Јас тоа најдобро го сфатив пред десет години кога без посебно импресиониран од дочекот по победата на Вимблдон кога прв пат станав број 1 – им рече Ѓоковиќ на своите фанови.