ВИДЕО | Белгија сигурна: Лукаку му посвети гол на Ериксен: „Крис, те сакам“!
Заврши и вториот ден на Европското првенство, се комплетираше и второто коло во групата „Б“ каде што репрезентацијата на Белгија убедливо во Санкт Петербург со 3:0 ја совлада Русија.
На тој начин избраниците на селекторот Роберто Мартинез најавија дека ќе бидат во сериозна трка не само за пласман во нокаут-фазата, туку и за шампионската титула на континенталниот собир.
Гол-серијата ја стартуваше Лукаку во 10 минута после асистенцијата на Мертенс, а истиот погодок напаѓачот му го посвети на неговиот соиграч од Интер, Данецот Кристијан Ериксен кој денеска на дуелот против Финска се сруши на теренот и лекарите веднаш започнаа со негово оживување.
Подоцна од УЕФА соопштија дека Ериксен е во стабилна состојба, исто така и Лукаку знаеше за страшните моменти кои се случуваа во Копенхаген, и неговиот погодок го посвети токму на Ериксен и со зборовите пред една од камерите: „Крис, те сакам“!
Lukaku goal and saying chris eriksen i love you #eriksen #lukaku #euro2020 pic.twitter.com/nvuYEYzP9w
— zeka (@vzeka7) June 12, 2021
Вториот гол на Белгијците се случи во 34 минута преку Муние, а истиот играч асистираше во третиот гол, стрелец уште еднаш беше Лукаку кој потврди дека е во одлична форма.
По завршувањето на првото коло Белгија и Финска имаат по три бода, во следното коло Белгијците во Копенхаген ќе се соочат со Данците од 18.00 часот на 17 јуни, а еден ден порано Финска за ривал ја има Русија во Санкт Петербург од 15.00 часот.
Ужас на ЕВРО 2020: Ериксен се бори за живот, прекин во Копенхаген!
ВИДЕО: Данските и финските навивачи заедно скандираа „Кристијан Ериксен“!
ВИДЕО: Шок на стартот за Данците, Финска на дебито испиша историја!