Во изборната програма и предизборните настапи партијата на власт СДСМ вети 40% покачување на платите на здравствените и соработници во ЈЗ и кандидатот за премиер на ДУИ вети 600 евра плата за медицинските сестри. Тоа е едно сериозно ветување кое привлече голем дел од нашето членство да гласа за овие две партии и имаше директно влијание на изборниот резултат. Мислам дека нивна должност е да го оправдаат тоа ветување, за да утре кога ќе излезат на избори нашето гласачко тело да има верба во тоа ветување, изјави во Утрински брифинг Горан Беговиќ, претседател на Синдикатот на клинички центар.

„Синдикатот на клинички центар јасно стави до знаење дека во предизборните програми треба да го вклучат и здравството, односно вработените во здравството, и да знаат сите вработени во здравството за што и за која програма гласаат. Мислам дека ова нивно ветување имаше диркетно влијание врз изборниот резултат, така што чекаме реализација. Доколку не го реализираат ова нивно ветување, тоа ќе значи една изборна манипулација и ќе значи дека не доволно ги согледале економските последици од пандемијата. Самите избори беа во услови на прогласена пандемија и не би било изговор дека пандемијата влијаела на овие процеси“, вели Беговиќ.

„Нашиот Синдикат има околу 4.200 членови со тоа што цел Клинички центар е под наша репрезентативност, тука би ги вклучил болниците во Куманово, Тетово, Кичево, Струга, Прилеп, итната медицинска помош во Скопје, Пехчево, Гевгелија, така што ние сме сериозен Синдикат со големо влијание во здравството и за цело време ги следиме актуелните политики и директните влијанија на нашите членови и на сите вработени во здравството и се залагаме за нивните права“, додава Беговиќ.

„Како Синдикат првенствено се бориме да се покачи основната плата, целата наша борба е основната плата да биде покачена, додатоците на плата се нешто што го бараме, но е споредно во нашата агенда. Ова сега што го даваат како ковид-19 додаток на плата кој е временски ограничен со 9 месеци и пари од СБ, ние не го сметаме за покачување на плата. Плата се покачува единствено со пари од буџет и колективен договр. Ние како Синдикат и јас како претседател сме им благодарни на Синдикатот на УПОЗ кој отвори една врата да можеме и ние другите синдикати, да го бараме тоа следување за К-15, но во исто време не може само тоа да се однесува на одредена категорија и синдикат. Кога веќе е отворено нешто за јавниот сектор тоа мора да биде применеето за сите вработени во јавниот сектор, во спротивно тоа е дискриминација и неправда. И ние се залагаме за К-15 да бидеме опфатени како и сите вработени во Јавниот сектор“, вели Беговиќ.

Целиот разговор погледнете го во видеото: